Meqë sasia e alkoolit në gjak nga 0.5 promila e tutje është e dënueshme, atij i është marrë patenta e shoferit në vendin e aksidentit.
Një shofer i dehur ka bërë ndeshje frontale me trungun e një peme në Neuhausen am Rheinfall të kantonit Schaffhausen. Kjo ndeshje, siç njofton policia e Schaffhausen-it, ka ndodhur në natën në mes të të hënës dhe të martës, në orën 01.45.
Shoferi, një kosovar i moshës 32 vjeçare me këtë rast ka pësuar lëndime të lehta dhe është dërguar në ambulancë për trajtim ndërsa makina është shkatërruar në tërësi.
Pak para vendit ku ndahet rruga, kosovari ka marrë në të djathtë, duke dalë nga rruga, me ç`rast është përplasur me veturë në trungun e pemës.
Një test alkooli i bërë më vonë ka treguar se në gjakun e tij, shoferi kishte pasur 2 promila alkool. Të kujtojmë se sasia e alkoolit në gjak nga 0.5 promila është e dënueshme.
Për këtë arsye atij i është marrë patenta e shoferit në vendin e aksidentit.(albinfo)
