Kosovari e vret gruan e tij rumune në Madrid
RajoniPress
07:36, 5 Janar, 2016
Policia Kombëtare në Madrid e ka arrestuar një shqiptar nga Kosova, pasi që ai u paraqit vullnetarisht në Stacionin e Policisë, duke pranuar vrasjen e gruas së tij.
Ngjarja ka ndodhur në lagjen Hortaleza të kryeqytetit spanjoll dhe është rasti i parë i vrasjes me motive gjinore në këtë shtet, për këtë vit, raporton KTV.
Qytetari kosovar i tha policisë se besonte që i kishte bërë diçka të keqe gruas së tij.
Viktima, 43 vjeçare dhe shtetase rumune, u gjet e vdekur në apartamentin e çiftit.
Hetimet e para tregojnë se bashkëshorti kosovar e kishte ngufatur, duke ia shkaktuar në këtë mënyrë vdekjen.
Policia në Madrid tha se nuk kishte një urdhër ndalimi për burrin, edhe pse ndaj tij kishte një ankesë para disa vjetësh.
