Kosovare Asllani protagoniste në fitoren e Suedisë ndaj Gjeorgjisë
RajoniPress
23:07, 7 Prill, 2022
Kombëtarja e femrave e Suedisë ka shënuar sot fitore kundër asaj të Gjeorgjisë, duke e shkatërruar këtë të fundit me diferencë prej 15 golave.
Në ndeshjet që po zhvillohen në kuadër të kualifikimeve për Botërorin e femrave “AUZN 2023”, Suedia e ka mposhtur sot me rezultat të thellë 15:0 Gjeorgjinë.
Nga 15 golat që u shënuan nga suedezet, dy sosh erdhën nga futbollistja me prejardhje kosovare, Kosovare Asllani, e cila shënon në minutat 76’ dhe 81’ për ta thelluar epërsinë e Suedisë.
Ndërkaq, me këtë fitore, Suedia e përforcon pozitën e parë në Grupin A me 18 pikë të arkëtuara, krahas Gjeorgjisë që gjendet në pozitën e fundit me asnjë pikë të tubuar pas pesë ndeshjeve.
Rezultati final i ndeshjes është 15:0.
