Kosova U19 me një këmbë në “Elite Round”

Kombëtarja e Kosovës në futboll U19, po shkëlqen në kualifikimet për Kampionatin Evropian “Euro 2024”.

Pas barazimit me Sllovakinë me rezultat 1-1, “Dardanët” sot kanë mposhtur me rezultat 4-0 Ukrainën, fitore që i siguron garat në “Elite Round”, të cilat do të mbahen në Irlandën e Veriut nga 15-18 korrik të vitit të ardhshëm.

Dardanët bukur ju qasën takimit me Ukrainën, duke mos ju dhënë hapësirë kundërshtarit që të rrezikojnë portën e portierit, Miran Qela, i cili është pjesë e skuadrës Munich 1860.

Dardanët arritën të mposhtin portierin Fesyuk të Ukrainës në minutën e 22-të, nëpërmjet futbollistit të Llapit, Elvir Gashjani. Në minutën e 64-të, Eliot Bujupi futbollist i Stuttgart arrinë të dyfishon epërsinë në 2:0, pasiqë më herët bukur e shërben Gashjani.

Futbollisti më i mirë i ndeshjes së sotme Elvir Gashajani, arrinë të shënon golin e qetësisë në minutën e 79-të, duke paralajmëruar fitore bindëse të dardanëve.

Mbizotërimi në fushë i “dardanëve” jep fryt në minutat shtesë të ndeshjes. Në minutën e 92-të, Edion Gashi futbollist që mbron ngjyrat e Schalke 04 pason gjerë tek Elmedin Rama futbollist i Sllavia Praga i cili shënon duke vulosur këtë takim brilantë.

Futbollistët nga Kosova kanë mundur të shënojnë fitore më të thellë sikur sulmuesit e saj të ishin më të vëmendshëm.