Kosova triumfon në padel në Lojërat Mesdhetare, Krasniqi e Bashota përmbysin Malin e Zi dhe prekin çerekfinalen

Kosova ka regjistruar një tjetër sukses të rëndësishëm në garat e padelit në kuadër të Lojërave Mesdhetare, duke siguruar një fitore të madhe në konkurrencën Mixed Doubles.

Dyshja kosovare Lavdrim Krasniqi dhe Donika Bashota zhvilloi një përballje dramatike ndaj çiftit nga Mali i Zi, Gianluca Pelonzi dhe Ivanka Simonovic, duke triumfuar me rezultat 2-1 në sete, 6-7, 6-4, 6-1.

Ndeshja nisi me rivalitet të fortë, me çiftin malazez që arriti ta fitojë setin e parë pas një beteje të ngushtë. Megjithatë, Krasniqi dhe Bashota reaguan në mënyrën më të mirë të mundshme, duke ngritur ndjeshëm nivelin e lojës në dy setet pasuese.

Dyshja kosovare e fitoi setin e dytë me 6-4, përpara se në setin vendimtar të dominonte plotësisht, duke triumfuar 6-1 dhe duke siguruar kështu një fitore të merituar.

Ky sukses i mundëson Kosovës të vazhdojë rrugëtimin në çerekfinale në dy kategori, duke rritur edhe më shumë shpresat për një paraqitje të suksesshme në Lojërat Mesdhetare.

Në fazën e radhës, Krasniqi dhe Bashota do të kenë përballë çiftin italian Casetta & Dal Pozzo, në një tjetër sfidë të rëndësishme për përfaqësuesit e Kosovës.

Pas kësaj fitoreje, pritshmëritë janë rritur ndjeshëm, ndërsa dyshja kosovare synon të vazhdojë ecurinë pozitive dhe të avancojë edhe më tej në garë. /Telegrafi/