Kosova, shtet pa histori të shkruar

Ka dy muaj që Sabit Syla është ud. drejtor i Institutit të Historisë së Kosovës “Ali Hadri”. Ai thotë se historia bashkëkohore e Kosovës duhet të shkruhet sa më shpejt, pasi nuk ka kuptim që Kosova të jetë një shtet pa histori. “Unë jam shumë i qartë dhe kuptoj për Historinë bashkëkohore të kalojë kohë e domosdoshme. Por të lutëm, janë 15 vjet kohë”, thotë Syla.

Ndonëse për të shkruar historinë bashkëkohore të Kosovës nevojitet të hapen arkiva në Bruksel e Beograd, Sabit Syla, ud. drejtor i Institutit të Historisë së Kosovës, thotë se ka dokumente të cilat nuk do të hapen edhe 30 e më shumë vjet.

Nëse pritet hapja e arkivave të huaj për ta shkruar historinë e Kosovës, sipas tij, atëherë gjenerata e tashme nuk do të mund të shkruante asnjë rresht për historinë bashkëkohore. Andaj, ai thotë se historia e luftës së UÇK-së dhe luftërave tjera në viset shqiptare, tashmë duhet shkruar.

“Nuk ka dëshmi më të madhe se varrezat e dëshmorëve që i kemi sot”, thotë Syla. Ai ka thënë se edhe në kontekst me Turqinë duhet të shkruhet historia. “Jo vetëm të mbyllet me një periudhë të caktuar por deri në shpalljen e pavarësisë së Kosovës”, ka thënë ai, duke përmendur se historinë e Turqisë duhet shikuar edhe pas shpalljes së Pavarësisë së Shqipërisë…(Tribuna).