Kosova përfiton edhe 41 milionë euro nga FMN-ja

Prishtinë – Fondi Monetar Ndërkombëtar ka aprovuar disbursimin e këstit të tretë të kredisë për Kosovën pas rishqyrtimit të dytë të marrëveshjes “Stand-By”. Vlera e këstit të fundit të paraparë në këtë marrëveshje është rreth 41 milionë euro, informon Koha Ditore e së shtunës.

Aprovimi për disbursimin e këtij kësti prej rreth 41 milionë eurove është i fundit sa i përket marrëveshjes “Stand-By” e lidhur me FMN-në.

Ministri Hamza të premten ka thënë se Qeveria është në rrugë të mirë që të kalojë në nivelin tjetër të marrëveshjes me këtë institucion financiar ndërkombëtar, ashtu që të largohet nga rrezikshmëria për asistencë të drejtpërdrejtë buxhetore.

Shpërndaje.
© RAJONIPRESS