Kosova pa dyshen e Sandnesit, Rashkaj dhe Pepa

Albert Bunjaki nuk do të mund të llogarisë në kapitenin Anel Rashkaj dhe qendërmbrojtësin Avni Pepa, për dy ndeshjet miqësore në fund të majit.

Rashkaj dhe Pepa, të dy lojtarë të skuadrës norvegjeze, Sandnes Ulf, kanë marrë përgjigje negative nga klubi i tyre.

Kampionati norvegjez nuk pushon në datat 21 dhe 25 maj, kur Kosova do të luajë kundër Turqisë, respektivisht Senegalit.
Për Sportin në KTV, Rashkaj tregoi arsyet e drejtuesit të klubit që refuzuan kërkesën e dy përfaqësuesve të Kosovës, ndërsa qendër-mbrojtësi, Avni Pepa, gjithashtu shprehu dëshpërimin që do t’i mungojë Kosovës për duelet me Turqinë dhe Senegalin.

Rashkaj dhe Pepa deklaruan se do të shpresojnë deri në ditën e fundit pasi kanë dëshirë të madhe të jenë në dy ndeshjet miqësore, mirëpo e pranojnë se gjasat që drejtuesit e klubit të ndërrojnë mendje janë minimale.
© KOHA.net