Kosova, me ligje mirë, mbetet zonë e krimit dhe korrupsionit

Një pasqyrë e përzier me evidentimin e disa përmisimeve, por me shumë pika të zeza është edhe këtë vit Raporti vjetor i Progresit për Kosovën, të cilin e kanë përpiluar në Komisionin Evropian e që do të miratohet dhe bëhet publik nga kolegji i komisionerëve në takimin e rregull, të mërkurën në Bruksel.

“Koha Ditore” ka siguruar kopjen e draftit të këtij raporti për Kosovën, dhe ai në rreth 50 faqe, paraqet gjetjet nga puna që është bërë nga vjeshta e vitit të shkuar e deri më sot.

Kosova, sic thuhet në këtë raport, ka bërë përparime kryesisht në përpilimin e ligjeve, në vendosjen e disa kapaciteteve të nevojshme për të zbatuar politikat që dalin si përgjegjësi edhe nga procesi i integrimee evropiane. Porn ë anën tjetër edhe kësaj radhe janë identifikuar probleme serioze dhe cështje të cilat vazhdojnë të nxisin shqetësim serioz të BE-së. Lufta jo e duhur kundër korrupsionit dhe krimit të organizuar, problemi i trafikimit me qenie njerëzore, ku është rritur numri i viktimave të moshës jomadhore që eksploatohen për keqtrajtime seksuale, trafikimi i drogës, konflikti i interesit, mangësitë dhe dyshimet për korrupsion në prokurimin publik, ndikimi politik gjyqësoe dhe në shërbimin civil, hezitimi për të hetuar disa raste, janë vetëm disa nga pikat shqetësuese edhe në këtë raport.

Raporti nënvizon edhe mungesën e tolerancës në disa raste, sidomos kundër grupeve LGBT dhe madje ka shënuar edhe rastin se si një “lëvizje fetare e cila propagandon gjuhën e urrejtjes nga komunitetit LGBT përmes mediave konvensionale dhe sociale është regjistruar si parti politike”/Koha Ditore/