Kosova, kusht i pashmangshëm i Serbisë për në BE

Hapja e kapitujve 23 dhe 24 në bisedimet për anëtarësim të Serbisë në BE është cilësuar moment i madh për Serbinë, por kjo do të arrihet nëse Serbia plotëson të gjitha kushtet e caktuara nga BE.

Sidoqoftë, përshpejtimi i procesit varet edhe nga relacioni i Serbisë me Kosovën.

Serbia për anëtarësim në BE e ka kusht të pashmangshëm normalizimin e marrëdhënieve me Kosovën, shkruan lajmi.net.

Kështu është shprehur edhe komisioneri i BE-së, Johannes Hahn, i cili tha se gjithë varet nga Serbia, por kushtet mbesin ato që ishin edhe më parë, e një ndër ta është edhe normalizimi i marrëdhënieve më shtetin e Kosovës.

LEXO EDHE: Mustafa: Lexoni dokumentet e shpalljes së pavarësisë, pastaj flisni për kufirin

“Varet nga vendi kandidatë që vetë do të përcaktojë dinamikën e procesit të pranimit. Nuk ka asgjë që do të bëhet me ritëm të shpejt. Ritmi i përgjithshëm i këtij procesi, pra, do të varet nga progresi në fushat kyçe, duke përfshirë normalizimin e marrëdhënieve të Serbisë me Kosovën dhe reformat në sistemin e drejtësisë”, është shprehur Hahn. /lajmi.net