Korenica shënon në fitoren e Clujit në Rumani

Sulmuesi i krahut, Meriton Korenica, ka vazhduar me formë të mirë në Rumani.

Të dielën, Korenica shënoi gol për CFR Cluj që fitoi 3:0 në udhëtim ndaj Farul Constanca. Ndeshja i takoi xhiros së tetë të kampionatit rumun.

Korenica në lojë hyri në minutën e 67-të, ndërsa realizoi për 3:0 në minutën e tretë të kohës shtesë.

Për të ishte goli i parë kampional. I ka edhe dy gola në kualifikimet e Ligës së Konferencës.

Cluji është i katërti me 13 pikë nga shtatë ndeshje.