Konfirmohet lidhja në mes gjenialitetit dhe çmendurisë

Hulumtimi i kryer në Suedi si rezultat ka treguar lidhjen në mes gjenialitetit dhe çmendurisë. Skizofrenia dhe çrregullimet bipolare janë më të shpeshta tek njerëzit kreativë dhe inteligjentë.Idenë e ka zhvilluar grupi i shkencëtarëve, të cilët po ashtu vuajnë nga ndonjë lloj i çrregullimit mental.

Kay Redfiels Jamison, nga shkolla e mjekësisë “Johns Hopkins”, e cila po ashtu vuan nga çrregullimi bipolar, ka treguar që testi i inteligjencës të cilin e kanë bërë gjashtëmbëdhjetëvjeçarët nga Suedia ka treguar që te fëmijët me inteligjencë të lartë ekzistojnë shumë shanse më të mëdha për zhvillimin e një prej çrregullimeve mentale.

“Rezultatet kanë treguar që personat, që janë të avancuar mentalisht me 16 vjet kanë katër herë shanse më të mëdha për të zhvilluar çrregullimin bipolar”, ka thënë Jamison.

Jamison tërë jetën ia ka kushtuar hulumtimit të çrregullimit bipolar, i cili i është diagnostikuar në pjekurinë e hershme, transmeton Daily Mail.

Piktori Van Gogh dhe autori Jack Kerouac ishin gjeni, por po ashtu kanë treguar tendenca edhe për vetëshkatërrim. Ajo që është e paqartë është pse qeniet njerëzore e kanë zhvilluar fare këtë karakteristikë.

“Ideja për “gjenitë problematikë” dhe “shkencëtarët e çmendur” ndoshta është diçka më shumë se vetëm thënie. Hulumtimet tregojnë që çrregullimi bipolar dhe skizofrenia janë të lidhura me kreativitetin e lartë dhe inteligjencën”, u tha në Panairin botëror të shkencës, të mbajtur në New York.

Në hulumtimet e mëhershme shkencëtarët kanë treguar që gjeni i njohur si DARPP-32 është fajtori kryesor për lidhjen në mes gjenialitetit dhe çmendurisë. Tri të katërtat e njerëzve trashëgojnë versionin e gjenit DARPP-32, i cili përmirëson aftësinë e trurit për të përpunuar informatat në korteksin prefrontal, pjesën e trurit, e cila është përgjegjëse për mendimet dhe veprimet.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).