Komunat e Anamoravës bashkëpunojnë në aktivitetet sportive

Gjilan – Në komunën e Novobërdës është mbajtur aktiviteti sportiv i përbashkët i pajtimit ndëretnik të komunave, Kamenicë, Gjilan, Ranillug dhe Novobërdë. Në këtë aktivitet kanë marrë pjesë përfaqësuesit e këtyre grupeve dhe të rinj nga Komunat e Anamoravës, të cilët së bashku kanë zhvilluar aktivitetet sportive në futboll dhe volejboll.

Nazmije Demolli – Kastrati, përfaqësuese nga grupi për pajtim ndëretnik të Kamenicës, ka thënë se gjatë këtij aktiviteti, kryetari i komunës së Novobërdës, ndau mirënjohje për përfaqësuesit e katër komunave e ndër ta edhe përfaqësuesve të Grupit për Pajtim Ndëretnik të Kamenicës, Nazmije Demolli-Kastrati dhe Astrit Demollit, për zgjerimin e frymës ekipore, kontributin e pajtimit ndëretnik si dhe për bashkëpunimin e mirë dhe të frytshëm të ekipës për dialog.

Ajo tha se qëllimi i projektit që është iniciuar nga OSBE dhe është mbështetur nga komunat është për të siguruar mjedis, hapësirë dhe kushte për të nxitur bashkëpunimin ndëretnik.

Ky aktivitet i përbashkët i të rinjve, ka si synim që mes vete të shkëmbejnë përvoja të reja, tolerancë, demokraci, dhe me këtë arrihet të eliminohet dhuna mes shoqërive multietnike për të ngritur zhvillimin dhe ecjen përpara si qytetarë të këtij vendi. /rajonipress/