Komuna ime jetime

Nga Raif Ramabaja – Pas shumë peripecive dhe pritjeve të gjata,diskutimeve dhe propozimeve te shumta, Kuvendi i Republikës se Kosovës me 22. 12 / 2016, në orët e vona e së enjtes, miratoi Buxhetin e Kosovës për vitin fiskal /2017. Siç mësuam nga mediet aty pati shume diskutime me vend e pa vend, shtyrje me bërryla te deputeteve se kush do te eksponohet me shume ne “mbrojtjen” e interesave te komunave nga vijnë deputetet, e pati edhe propozime tjera te paargumentuara dhe bajate.

Por ne fund është me rëndësi se i njëjti buxhet është miratuar, pasi deputetët i harxhuan llafet e tyre dhe u lodhën.

Ministri i MEF, z, A. Hoti megjithatë meriton lavdata që ka arritur deri diku t’i përmbush apetitet e ministrive.

Kulaçi ishte ai qe ishte dhe se nuk ka pasur gjasa as mundësi te rritet. Natyrisht se kush i kishte muskujt me të fortë, me kërrabë ka tërhjekur atë çka ka mundur ne anën e tyre.

Me ra ne sy, se për komunën time Kamenicën, nuk pati kush t’i thoshte as dy-tri fjalë, sepse ajo ishte jetime ne mesin e te gjithë atyre deputetëve.

Kjo nuk me habit fare sepse Kamenica gjithmonë ka qene e anashkaluar nga pushteti qendror vite me radhë.

EH, kështu e kanë jetimët, jetojnë nga mëshira e të tjerëve.