Komuna e Vitisë lehtëson regjistrimin civil për komunitetet rom, ashkali dhe egjiptian

Viti – Në një hap të rëndësishëm drejt fuqizimit të përfshirjes sociale, Sokol Haliti, Kryetar i Komuna e Vitisë, ka marrë vendim që gjatë vitit 2026 të mundësohet regjistrimi civil falas për qytetarët e komuniteteve rom, ashkali dhe egjiptian në territorin e kësaj komune.

Ky vendim synon të eliminojë barrierat administrative dhe financiare, duke u krijuar këtyre komuniteteve qasje më të lehtë në shërbimet bazë publike dhe në jetën institucionale. Përmes këtij veprimi, autoritetet lokale synojnë të identifikojnë dhe regjistrojnë personat e paregjistruar, duke i integruar më tej në sistemin ligjor dhe social.

Komuna ka theksuar se ky hap është pjesë e angazhimit të saj për ndërtimin e një shoqërie gjithëpërfshirëse, ku të gjithë qytetarët trajtohen në mënyrë të barabartë dhe me dinjitet.

Njëkohësisht, u është bërë thirrje të gjithë qytetarëve të këtyre komuniteteve që të përfitojnë nga kjo mundësi gjatë vitit 2026, duke shfrytëzuar shërbimet e ofruara pa pagesë./rajonipress/