Komuna e Vitisë apel qytetarëve për parandalimin e zjarreve

Viti – Duke pasur parasysh se jemi në sezonin e verës me temperatura të larta dhe në sezonin e Korrje-Shirjeve, Drejtoria për Shërbime Publike dhe Emergjencë ( DSHPE) apelon të qytetarët e komunës së Vitisë, që të shtojnë kujdesin në aspektin e sigurisë dhe mbrojtjen nga zjarri.

Mos të ndizen zjarre në ambiente të hapura me qëllim të pastrimit të mbeturinave ngase shpesh dalin nga kontrolli dhe shkaktojnë rrezik për jetën e njerëzve dhe pasurisë. Gjithashtu apelojmë të mos ndizen hamullorët ( arat e korrura).

Gjatë korrje-shirjeve kërkojmë nga kombajneret dhe prodhuesit bujqësore që të aplikojnë masat për parandalimin e zjarreve.

Ju bëjmë me dje se zjarrevënie sanksionohet me ligj.
Nëse jemi sy çel dhe vigjilent me veprimet e tona do të jemi kontribuues të mëdhenj në zvogëlimin e rasteve dhe parandalimin e rreziqeve nga zjarri, andaj qytetarë të komunës së Vitisë kontribuoni në parandalimin e këtyre dukurive negative.

Të nderuar qytetarë ju lutëm lajmëroni rastet e zjarreve në këta numra pa pagesë :

112 (Qendra e Alarmit)
193 ( Shërbimi për Zjarrëfikje dhe Shpëtim)
Viti, 13 Korrik 2017 Drejtrori i DSHPE-së
Nexhmedin Jakupi