Komuna e Kamenicës pranon një veturë donacion nga UNMIK-u

Kamenicë – Komuna e Kamenicës ka pranuar një veturë donacion i Misionit të Kombeve të Bashkuara në Kosovë. Këtë donacion e ka pranuar Kryetari i Komunës së Kamenicës z.Begzad Sinani, drejtori i Administratës Valon Maliqi, shefi i Administratës Faton Biqkaj dhe Dragisha Savic nga zyra lokale për Komunitete.

Më këtë rast kryetari Begzad Sinani e ka falënderuar UNMIK-un pas pranimit të një donacioni për pajisje teknologjike dy muaj më parë ju jemi mirënjohës edhe për këtë donacion i cili do t’i shërbejë zyrtarëve të Komunës së Kamenicës në realizimin e punëve të përditshme në shërbim të qytetarëve të Kamenicës.

Vetura e pranuar sot si donacion nga UNMIK-u, është veturë e përdorur në gjendje të mirë teknike dhe do të jetë në shërbim të Komunës së Kamenicës në realizimin e punëve të përditshme administrative./rajonipress/