Komuna e Gjilanit, vlerësohet pozitivisht nga Instituti GAP, në fuqizimin e kapaciteteve për angazhimin e diasporës në Kosovë

Gjilan – Në prezantimin e raportit “Fuqizimi i kapaciteteve të komunave për angazhimin e diasporës në Kosovë”, i realizuar nga Instituti GAP me mbështetjen e GIZ në emër të Qeverisë së Gjermanisë, Komuna e Gjilanit, është vlerësuar pozitivisht në fuqizimin e kapaciteteve për angazhimin e diasporës në Kosovë.

Zyrtarët e Komunës së Gjilanit, kanë folur lidhur me kapacitetet e institucionit për angazhimin e diasporës, përfshirë ofrimin e shërbimeve, rëndësinë e një përfshirjeje më të madhe të diasporës, si dhe mekanizmat dhe shkallën e koordinimit mes nivelit qendror dhe atij lokal në këtë fushë.

Zyrtarët e Komunës së Gjilanit, thanë se gjetjet dhe rekomandimet e raportit, do të përmbushen.
Derisa folën edhe për hapat konkretë që janë bërë në forcimin e rolit të komunës në angazhimin me diasporën.

Derisa zyrtarët e Komunës së Gjilanit, treguan edhe planin e kryetarit Alban Hyseni për diasporën.

Në kuadër të angazhimit për forcimin e lidhjeve me diasporën dhe shfrytëzimin e potencialit të saj për zhvillimin ekonomik lokal, kryetari i Komunës së Gjilanit, Alban Hyseni, ka paraparë këto veprime konkrete:
Krijimi i Zyrës për Diasporën (Mërgatën). Themelimi i një zyre të posaçme brenda Komunës së Gjilanit. Ofrimi i informimit, këshillimit dhe mbështetjes për mërgatën. Koordinimi i aktiviteteve dhe projekteve ndërmjet komunës dhe diasporës.

Synim tjetër, është organizimi i Forumit Ekonomik të Diasporës. Mbajtja e forumit vjetor me pjesëmarrjen e bizneseve dhe investitorëve nga diaspora. Prezantimi i mundësive për investime në Komunën e Gjilanit. Nxitja e bashkëpunimit ndërmjet bizneseve vendore dhe diasporës.

Veprimi tjetër, është organizimi i Panairit “E-Jona”. Organizimi i panairit tradicional për promovimin e produkteve dhe shërbimeve vendore. Përfshirja aktive e bizneseve të diasporës. Promovimi i brendeve lokale dhe krijimi i mundësive për eksport.

Dhe çështje tjetër është zhvillimi i Zonës Ekonomike. Krijimi dhe funksionalizimi i zonës ekonomike për tërheqjen e investimeve. Ofrimi i lehtësirave për investitorët, me fokus të veçantë në diasporë. Krijimi i vendeve të reja të punës dhe rritja e zhvillimit ekonomik lokal.

Të pranishmit, u informuan nga zyrtarët e Komunës s ë Gjilanit, se në këtë komunë, funksion edhe Rrjeti i Bizneseve të Diasporës dhe shoqatat e bashkatdhetarëve,, të cilat mbajnë takime të vazhdueshme me udhëheqësit e komunës.

Derisa u treguan edhe tre nga shumë tregimet e suksesit të bashkatdhetarëve që kanë investuar dhe po investojnë në Komunën e Gjilanit./rajonipress/