Mobicasa

Komuna e Gjilanit hap afatin për evidentimin e dëmeve nga fatkeqësitë natyrore, qytetarët reagojnë: “Po dëmet e vitit të kaluar kur do të kompensohen?”

Komuna e Gjilanit hap afatin për evidentimin e dëmeve nga fatkeqësitë natyrore, qytetarët reagojnë: “Po dëmet e vitit të kaluar kur do të kompensohen?”

Gjilan – Njoftimi i Komunës së Gjilanit për hapjen e afatit të aplikimit për evidentimin dhe vlerësimin e dëmeve materiale të shkaktuara nga fatkeqësitë natyrore ka nxitur reagime dhe pakënaqësi të shumta te qytetarët, të cilët përmes komenteve në faqen zyrtare të komunës kanë ngritur shqetësime për kompensimin e dëmeve të mbetura nga viti i kaluar.

Sipas njoftimit zyrtar, nga 20 deri më 27 nëntor 2026, qytetarët që kanë pësuar dëme materiale nga fatkeqësitë natyrore mund t’i paraqesin kërkesat e tyre në Qendrën për Shërbime me Qytetarë, drejtuar Komisionit Komunal për Fatkeqësi Natyrore dhe Fatkeqësi të Tjera.

Megjithatë, përtej njoftimit institucional, ajo që ka tërhequr vëmendjen është reagimi i qytetarëve, të cilët kanë shfrytëzuar hapësirën e komenteve për të shprehur pakënaqësinë lidhur me procedurat e mëparshme të vlerësimit dhe kompensimit të dëmeve.

UBT KOSOVE

Qytetari Rama Isufi ka shkruar se serra e tij është dëmtuar nga erërat e fuqishme dhe se, pavarësisht vizitës së komisionit në terren, ende nuk ka marrë ndonjë përgjigje konkrete lidhur me kompensimin.

Ndërkaq, Islam Islami ka ngritur çështjen e dëmeve të shkaktuara nga reshjet e vitit të kaluar, duke pretenduar se komisioni i ka vlerësuar dëmet në shtëpinë e tij, por kompensimi financiar ende nuk është realizuar.

Edhe qytetarë të tjerë kanë shprehur pakënaqësi të ngjashme. Ludi Hasani dhe Behar Salihu kanë kërkuar që fillimisht të trajtohen dhe të kompensohen dëmet e shkaktuara nga vërshimet e vitit të kaluar, përpara se të hapen procedura të reja aplikimi.

Në anën tjetër, Arbnor Selimi ka komentuar se vitin e kaluar qytetarët kanë përfituar nga 3 mijë e 700 euro, duke sjellë një perspektivë tjetër mbi procesin e kompensimit.

Komentet e qytetarëve shpërfaqin një shqetësim që shkon përtej dëmeve të reja materiale: besueshmërinë në mekanizmat komunalë për vlerësimin, trajtimin dhe kompensimin e dëmeve nga fatkeqësitë natyrore.

Në këtë situatë, mbetet e rëndësishme që Komuna e Gjilanit të sqarojë publikisht se në çfarë faze ndodhen kërkesat e vitit të kaluar, sa raste janë vlerësuar, sa qytetarë janë kompensuar dhe cilat janë arsyet e vonesave eventuale.

Hapja e një afati të ri për aplikim është një procedurë institucionale, por për qytetarët e dëmtuar, përgjegjësia komunale matet edhe me trajtimin e kërkesave të mëparshme dhe me rezultatet konkrete të premtimeve për kompensim.

Qytetarët nuk kërkojnë vetëm evidentimin e dëmeve të reja, por edhe përgjigje për dëmet e vjetra që, sipas pretendimeve të tyre, ende presin zgjidhje./rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.