Komuna e Artanës shpërndanë makina mjelëse për 27 fermerë

Gjilan -Kryetari i Komunës së Novobërdës Bajrush Ymeri së bashku me Drejtorin e Bujqësisë Pylltarisë dhe Zhvillimit Rural Goran Maksimoviq kanë bërë shpërndarjen e makinave mjelëseve për 27 fermerë,të cilët i kanë plotësuar kriteret për përfitimin e tyre.

Kryetari i Komunës Bajrush Ymeri theksoi se duke e pasur parasysh se ne po e shohim bujqësinë si një prej sektorëve më të rëndësishëm të zhvillimit ekonomik në Komunën e Novobërdës ne vendosëm që këtë vit t`i subvencionojmë fermerët pikërisht me makina mjelëse.

Ne zgjodhëm 27 fermerë të cilët kanë aplikuar për këto makina dhe vendosëm që të gjithë këta ti subvencionojmë.

Ky projekt ka qenë i përbashkët që e kemi realizuar me fermerë ku participimi nga ana e tyre ka qenë nga 70 euro dhe pjesën tjetër e ka mbuluar komuna dhe shpresojmë që vitin tjetër do të kemi mundësinë që t’i ndihmojmë edhe më tepër duke e pasur parasysh që buxheti për vitin e ardhshëm është i tre fishuar u shprehë Ymeri.

Ndërsa Drejtori i Bujqësisë dhe Pylltarisë Goran Maksimoviq theksoi se kjo është hera e parë që po i subvencionojmë fermerët me këto makina mjelëse duke u mbështetur në kërkesat e tyre, meqenëse në Komunën e Novobërdës prioritet më të madh ka bujqësia, gjithashtu në të ardhmen mbetet që t’i mbështesim edhe sektorët tjerë të bujqësisë./rajonipress/