Komuna e Artanës kërkon investime në infrastrukturën e stacionit policor

Gjilan – Ndërrimi i kategorisë të stacionit Policor të Novobërdës nënkupton përmirësimin e infrastrukturës tekniko – logjistike, numrin më të madh të personelit profesional si dhe numrin e automjeteve.

Kryetari i Komunës së Novobërdës Svetisllav Ivanoviq ka pritur në kabinetin e tij drejtoreshën e Policisë rajonale Elmina Mahmutin, zëvendësin e Policisë për regjionin e Gjilanit Shaban Azizin, komandantin e stacionit Policor të Novobërdës Gani Huruglica dhe zëvendësin e stacionit Policor të Novobërdës Nenad Stojanoviq.

Në këtë takim u bisedua në përgjithësi mbi gjendjen e sigurisë në territorin e Komunës së Novobërdës si dhe për planet dhe aktivitetet e mëtutjeshme për avancim.

Përfaqësuesit e Policisë informuan Kryetarin për gjendjen momentale në terren si dhe për planet në periudhën e ardhshme.

Gjithashtu në këtë takim janë marrë vesh që Komuna e Novobërdës së bashku me Drejtorin Regjionale të Policisë të ju dërgoj kërkesë Ministrisë së Punëve të Brendshme për ndërrimin e kategorisë së stacionit Policor në Novobërdë, nga kategoria C në kategorinë B.

Ndërrimi i kategorisë të stacionit Policor të Novobërdës nënkupton përmirësimin e infrastrukturës tekniko – logjistike, numrin më të madh të personelit profesional si dhe numrin e automjeteve, ka thënë Kryetari i Komunës së Novobërdës Svetisllav Ivanoviq./rajonipress/

Shpërndaje.
© RAJONIPRESS