Komuna dhe Ministria e Ambientit po vazhdojnë me projektin e hapjes së lumit Morava

Viti – Është duke u realizuar projekti për pastrimin e Lumit Morava dhe përroskave të tjera në komunën e Vitisë. Ky projekt po implementohet bashkërisht nga komuna e Vitisë dhe Ministria e Ambientit dhe Planifikimit Hapësinor.

Punimet që po bëhen në pastrimin dhe hapjen e këtyre përroskave, i ka inspektuar sot edhe kryetari i komunës së Vitisë Sokol Haliti, i cili ka theksuar se ky projekt është i rëndësisë së veçantë pasi që ka ndikuar pozitivisht në eliminimin e vërshimeve që shpesh e kanë përfshirë komunën e Vitisë vite më parë.

Në kuadër të këtyre punimeve është bërë rregullimi i shtratit të lumit Morava nga fshati Binqë deri në afërsi të fshatit Nasalë të komunës së Gjilanit, që do të thotë se është bërë hapja në tërësi e lumit që përshkon komunën e Vitisë./rajonipress/