Kompania turke “Air Energy” dhuron donacione për mjekësinë familjare në Kamenicë

Kamenicë – Kompania turke “Air Energy”, ka dhuruar donacion i cili përfshinë inventar si dollapë, tavolina e perde për Qendrën Kryesore të Mjekësisë Familjare në Kamenicë dhe Qendrën e Mjekësisë Familjare në Hogosht.

Drejtoresha e Drejtorisë së Shëndetësisë dhe Mirëqenies Sociale, Suna Zajmi-Krasniqi ka falënderuar këtë kompani për këtë donacion, duke thënë se donacionet e tilla rrisin kapacitetin në institucionet shëndetësore.

“Falënderoj kompaninë Air Energy për këtë donacion i cili është i nevojshëm për institucionet tona shëndetësore. Duke rregulluar infrastrukturën në institucionet tona padyshim që rritet kapaciteti dhe cilësia e punës”, është shprehur ajo./rajonipress/