Kompania e betonit “Globi” organizon pritje miqësore për Lutën

Gjilan – Kompania e betonit “Globi” ka organizuar sot pritje miqësore për kandidatin e Lidhjes Demokratike të Kosovës për kryetar të Gjilanit, Lutfi Hazirin. Haziri ka falënderuar për këtë mikpritje, duke theksuar se kjo kompani është shembull i funksionimit të mirë të biznesit në Gjilan.

Kreu i LDK-së në Gjilan, ka premtuar se sapo ta marrë mandatin e kryetarit të komunës, do të vijnë ditë të mira për bizneset gjilanase.

“Ju jeni shembull i mirë i funksionimit të suksesshëm të biznesit gjilanas. Me gjithë kapacitetin tim si kryetar, do t’ju përkrahë në ecjen drejt suksesit. Do të ulë taksën fillestare komunale për bizneset dhe atë të tatimit në pronë për 40 për qind. Në këtë mënyrë, ju do ta keni më të lehtë funksionimin”, ka thënë, ndër të tjera, kryetari Haziri./rajonipress/