Komandanti i LMT-së, toger Husein Arslan, viziton Këshillin e Bashkësisë Islame në Gjilan

Gjilan – Komandanti i LMT-së, toger Husein Arslan, i shoqëruar nga oficerët Safak Oneç dhe Murat Topçuoglu, ka vizituar Këshillin e Bashkësisë Islame në Gjilan, ku është pritur nga kryetari i KBI-së, Naim Aliu.

Gjatë takimit, kryetari Aliu e ka falënderuar togerin Arslan për punën dhe angazhimin e tij në fushën e sigurisë, si dhe për vizitën dhe kontaktet e vazhdueshme që LMT-ja mban me Këshillin e Bashkësisë Islame në Gjilan.

Aliu i ka njoftuar mysafirët edhe për punën e Këshillit të Bashkësisë Islame në Gjilan dhe aktivitetet që zhvillon ky institucion në komunitet.

Gjatë diskutimit është vlerësuar lart edhe bashkëjetesa ndërfetare në Gjilan, e cila, sipas KBI-së, kultivohet dhe promovohet në vazhdimësi përmes aktiviteteve dhe angazhimit në komunitet.

Takimi u zhvillua në frymën e bashkëpunimit dhe komunikimit të vazhdueshëm ndërmjet Këshillit të Bashkësisë Islame në Gjilan dhe përfaqësuesve të LMT-së njoftoi Agim Hyseni./rajonipress/