Koha e fjalëve u shterrua ( Varianti final )

Poezi nga Sabit Rrustemi

Mund të të gostis me një vapë mesdite
këtu buzë Çepurit e buzëve të mia
tek përcëllohen nën diell
e digjet në pritje

Nëse je diku thellë brenda këtij plisi të kaltër
që shtrihet mbi mua
po i hap duart të të pres n shuplakë
e të ta dhuroj një puthje me afsh

Nëse nuk je e etur dhe aq për mua
mund të të nxjerr tek ai krua
nën lisa ahu e puhiza çasti
kun a pret një shtratin prej bari

Aty tashmë grishëz tjetër nuk ka
përveç teje

Palohu lehtas mbi trupin tim
e asnjë fjalë mos ma thuaj
koha e fjalëve u shterrua
Gjethe të ngjyëngjyrta pylli
nëpër perde të arta dielli fjaurojnë mbi ne
dhe re të bardha si ëndrrat tona
humbin tutje rruzullit të pa fund

( 17 gusht 2011 – 17 gusht 2023 )