Klubi i boksit Drita me 8 korrik nderon ish-boksierin e dëshmorin e kombit Agim Rashiti

Klubi i boksit “Drita”, me 8 korrik në Palestrën Sportive “Bashkim Selishta-Petriti” në Gjilan, në shenjë të përkujtimit të ish-boksierit dhe dëshmorit të kombit, Agim Rashiti, do të mbanë turnirë të boksit.

Ish-boksieri e dëshmori i kombit, Agim Rashiti, ra në altarin e lirisë për të mos vdekur kurrë me 28 mars 1989 në oborrin e Spitalit Rajonal të Gjilanit, në demonstratat e mëdha të cilat u zhvilluan në këtë periudhë të vështirë të popullit shqiptarë.

Agim Rashiti i kishte plot 26 pranvera kur me gjakun e tij po mbronte lirinë e popullit të tij, por plumbat gjakatarë të pushtetit serb e qëllojnë që ne sot të gëzojmë idealin e që ishte liria e popullit të Kosovës.

Në turneun e madh të boksit i cili pritet të zhvillohet me 8 korrik, do të marrin pjesë boksier nga Kosova, Maqedonia e Veriut, Shqipëria, Bullgaria e ka gjasa të marrin pjesë edhe boksier nga Qekia, ku do të zhvillohen 12 lufta.

Dy trajnerët e KB Drita, Nazim Halili e Musli Zymberi, që po mbajnë gjallë boksin gjilanas, me shumë nostalgji e krenari, kujtojnë shokun e tyre dëshmorin Agim Rashitin. “Agimi ishte një boksier me shumë perspektivë, por lirinë e popullit shqiptarë e deshti më shumë se boksin, ku njeherit edhe ra dëshmorë.

Në shenjë të jetës së Agimit që dha jetën për lirinë, do ta nderojmë me këtë turnir të boksit. Jemi shumë krenar që së bashku kemi zhvilluar karrierën e boksit me dëshmorin Agim Rashiti, ndërsa vepra e tij heroike u bëftë lule e lirisë për popullin shqiptarë”, kanë theksuar, dy ish-boksier e tani trajnerë, Halili e Zymberi.

Të gjitha shpenzimet e këtij turneu do t`i bartë Komuna e Gjilanit. Të shtunën pritet meqen interesante e njëra ndër to do të jetë edhe meqi i boksierës së talentuar nga Gjilani, Diellza Halili.

Turneu do të fillon nga ora 13:00 të shtunën.