Kllokoti bënë zgjerimin dhe vendosjen e rrethojave në urën problematike

Gjilan – Komuna e Kllokotit në bashkëpunim me organizatën UNDP, ka vendosur rrethojat në rrugën Mogillë – Viti. Përveç rrethojave që janë vendosur në të dy anët është zgjeruar edhe ura me lamarinë të fortë.

Kjo urë deri më tani ishte konsideruar si një urë problematike pasi që kishin ndodhur shumë aksidente të njëpasnjëshme, shkaku pozicionit te mëparshëm me një rrugë më kthesa shumë të theksuar.

“Ne si institucione komunale e kemi konsideruar si me prioritet zgjerimit dhe vendosjen e rrethojave për këtë urë për shkak aksidenteve të shumta të cilat kanë ndodhur që nga viti i kaluar, dhe si rrugë me rrezik potencial për vozitësit. Gjatë diskutimeve që kemi pasur me zyrtarët e UNDP-së jemi dakorduar që ata të na përkrahin në këtë projekt dhe në këtë rast kemi parandaluar rrezikun i cili ka qenë potencial për çdo vozitësit.”u shpreh Hidajet Ahmeti.

Dhe njëkohësisht zyrtarët komunalë u shprehen falënderues për UNDP-në për projektet që ka përkrahur dhe projektet tjera qe janë në proces të realizimit./rajonipress/