Kirk Douglas dhuron 50 milionë dollarë

Legjenda hollivudiane, Kirk Douglas, ka dhuruar një shumë prej 50 milionë dollarësh për bamirësi.

Aktori i njohur për filmin “Spartacus” dhe gruaja e tij, Anne, do t’ua japin paratë pesë organizatave bamirës përmes fondacionit të tyre, “Douglas Foundation”.

Një pjesë e parave do të jepet për përmirësimin e spitalit që trajton sëmundjen Alzheimerit në Woodland Hills të Kalifornisë, pastaj një pjesë do t’i dhurohet një universiteti në New York për shkollimin e pakicave, po ashtu me një shumë tjetër do të ndihmohet ndërtimi i teatrit “Kirk Douglas” në Culver City.