Këtu do të luaj Berisha në sezonin e ardhshëm

Etrit Berisha pritet të luajë titullar në sezonin e ardhshëm, pasi Lazio po përgatit këtë version për portën e vet.

Sipas medieve italiane, presidenti i klubit roman, Claudio Lotitto, ka vendosur që të largojë nga skuadra portierin italian, Federico Marchettin, për t’i lënë vendin e lirë portierit të kombëtares shqiptare.

Marchetti pritet t’i propozohet Juventusit, që të zëvendësoj Buffonin, ku më pas do ta mbante numrin një te kombëtarja italiane, teksa Lazio do të arrinte te mbrojtësi kilian, Isla.

Në ditët e fundit është thënë shumë për të ardhmen e portierit nga Prishtina që më shumë se një herë ka shprehur dëshirën për t’iu bashkuar një klubi që ka nevojë për një portier titullarë, pasi nuk dëshiron edhe një sezon në bankën rezervë.

Megjithatë, vendimtare pritet të jetë zgjedhja e trajnerit të ri, Bielsa, për të zgjedhur Berishën apo Marchetin, dhe më pas do të vendoset se cili do të largohet nga skuadra kryeqytetase. /Telegrafi/