Këto pije gjithsesi t’i keni në frigorifer këtë verë

Me plakjen tonë, edhe organizmi ngadalëson, prandaj yndyrat dhe dhjami gjithnjë e më shumë mblidhen në hapësirat ku nuk dëshirojmë ne. Ju prezantojmë ushqimet e freskëta që duhet t’i shtoni në ujë për ta përshpejtuar punën e metabolizmit, që nxitin humbjen në peshë.

LIMON DHE LIME

Limoni dhe limeja janë burime të hatashme për vitamina C, antioksidues shumë i rëndësishëm që ndihmon në neutralizimin e radikaleve të lira në trup. Po ashtu, janë të dobishëm për pastrimin e organizmit dhe rregullimin e tretjes. Ujin me këta artikuj është e lehtë ta përgatisni. Ndani për gjysmë dhe i vendosni në gotën me ujë.

GJETHET E FRESKËTA TË MENTËS

Këtë bimë mund ta kultivoni në kopsht, apo edhe pranë dritares. Mentaaktivizon gjëndrat e pështymës dhe enzimat tretëse që i ndihmojnë trupit të absorbojë materiet ushqyese nga ushqimi. Ndihmon edhe te telashe e lukthit.

RRISKAT E TRANGULLIT

Trangujt japin shije freskuese ujit. Jo vetëm se përmbajnë antioksidues dhe fibra, por nxitin edhe prodhimin e insulinës në pankreas. Ndihmojnë edhe në hedhjen jashtë të helmeve nga sistemi tretës.

(Kosova Sot)