Këshilli i Bashkësisë Islame ndihmon 120 familje në nevojë

Gjilan – Për nder të muajit të shenjtë të Ramazanit dhe festës së Fitër Bajramit në komunën e Gjilanit, kremtja e festës së Fitër Bajramit, po shënohet me rritje të aktiviteteve solidare për familjet që jetojnë në kushte të rënda ekonomike dhe sociale. Këshilli i Bashkësisë Islame përmes shoqatës bamirës “Bereqeti” ka shpërnda ndihma për 120 familje në nevojë.

Në lokalet e Këshillit të Bashkësisë Islame në Gjilan 60 familjeve në nevojë u shpërndan ndihma në ushqim. Në muajin e shenjtë të Ramazanit nuk do të mund të mungonte vëmendja dhe mbështetja e kompanisë “Fluidi”.

Gjithashtu u ndihmuan edhe 30 familje në gjendje të rëndë në fshatin Vërbicë e Zhegovcit.

Në kuadër të ndarjes së këtyre ndihmave, për 30 familje rome u ndanë pako ushqimore dhe veshmbathje.

Sipas kryetarit të KBI në Gjilan Naim ef Aliut, me ndarjen e ndihmave do të vazhdohet për familjet në nevojë edhe gjatë dy ditëve të mbetura të Ramazanit./rajonipress/