Kërkon falje ”me përulje”

Këngëtarja Linda Halimi, vetëm pak ditë më parë, nëpërmjet një postimi në faqen e saj zyrtare në rrjetin social Facebook, i quajti shqiptarët “popull i çuditshëm”.
Pasi ky status u publikua, pati reagime përgjithësisht negative, mëqe komenti u cilësua si ofendues.

Duke i parë këto reagime, Linda ka shfrytëzuar të njejtën faqe për të dhënë shpjegimin e saj, duke shënuar:
“Sapo e kuptova që një status i imi e paska prekë gjithë nacionalitetin shqiptar, diçka definitivisht e pa qëllimtë!”.

Më tej ajo ka treguar arsyen e atij statusi: “Dëgjoni patriotët e mi: ndonëse s’kam dashtë me tregu publikisht qëllimin pse i kam shkru ato fjalë që i kam shkru, duke e lënë si diçka të parëndësishme, tani po e ndjej si obligim me tregu historinë qe fshihet pas atij statusi.

Gati një muaj rresht, disa psikopatë i bezdisin t’gjithë familjarët e mi me telefonata dhe kërcënime e fyerje të renda deri në momentin qe unë në kulmin e nervozes dhe bezdisjes shkrova fjalë të rënda e ofenduese (jashtë karakterit tim) ku gjeneralizova të gjithë shqiptarët”.

Linda ka pranuar se ky ka qenë një gabim nga i cili do të mësoj, dhe ka shtuar:
“Kerkoj publikisht falje me shumë respekt e përulje për ofendimin e hidhur e të pamenduar që e kam bërë. Gjithashtu shpresoj të më kuptoni që kur familja- gjëja më e shtrenjtë është shënjestër, gjithçka bëhet e patolerueshme dhe të ka faj krejt bota, jo vetëm shqiptarët siç kam shkruar unë”.

“Fatkeqësisht ata psikopatë qëlluan shqipfolës dhe unë humba kontrollin ku i përmbledha të gjithë në një thes. Unë jam krenare e them publikisht që jam Kosovare-Shqiptare dhe këtë gjë se kam mohuar kurrë as se mohoj, mirëpo vjen një moment kur gjithçka bëhet e tepërt. Zgjedhjet që kam bërë në jetën time private, nuk e mohojnë krenarinë qe jam Shqiptare. Unë do të vazhdoj të promovoj talentin tim të vlerësuar nga bashkëkombësit e mi, edhe nëpër botë me shumë krenari dhe dinjitet ashtu siç dhe e kam dëshmuar në Kroaci duke kënduar SHQIP. ”

Ne fund ajo ka falenderuar ata që do t’i kushtojnë disa minuta për të lexuar reagimin e saj, duke e përmbyllur komentin me fjalët: “Ju dua”. /Indeksonline/