Kërkohet prezencë më e madhe e policisë në oborret e shkollave

Gjilan – Pas diskutimeve, janë dhënë edhe rekomandimet për patrullime të rritura, prezenca e shpeshtë e policisë në oborre të shkollave, rritjen e mbështetjes së autoriteteve komunale të aktiviteteve KVRL-se në përgjithësi, krijimin e këshillave shkollore të drejtave të njeriut në të gjithë shkollën me mbështetjen e koordinatorit komunal për të drejtat e fëmijëve dhe të raportimit të rregullt të rasteve të dhunshme të policisë.

Si pjesë e projektit të OSBE-së Qendrës Rajonale të Gjilanit në fuqizimin e të rinjve, përfaqësuesit e Këshillit të Veprimit Rinor Lokal, së bashku me kryesuesit e zgjedhur së fundmi të nëndegëve kanë organizuar një tryezë të rrumbullakët diskutimi mbi dhunën në shkolla.

Rreth 20 pjesëmarrës ishin të pranishëm, duke përfshirë anëtarët e KVRL, drejtorët e shkollave të mesme dhe përfaqësues të komunitetit të policisë, me qëllim për të diskutuar sfidat kryesore që lidhen me dhunën në shkolla dhe masave që janë të nevojshme të ndërmerren në mënyrë për të reduktuar dhunën nëpër shkolla në komunë.

Pas diskutimeve, janë dhënë edhe rekomandimet për patrullime të rritura, prezenca e shpeshtë e policisë në oborre të shkollave, rritjen e mbështetjes së autoriteteve komunale të aktiviteteve KVRL-se në përgjithësi, krijimin e këshillave shkollore të drejtave të njeriut në të gjithë shkollën me mbështetjen e koordinatorit komunal për të drejtat e fëmijëve dhe të raportimit të rregullt të rasteve të dhunshme të policisë.

Sipas Vildane Maliqit kryetare e KVRL-se, rekomandimet e hartuara do t’i dorëzohen autoriteteve komunale përkatësisht në departamentin e arsimit, Kryesuesit të Kuvendit, Kryetari të Komunës dhe policisë për veprime të mëtejshme./rajonipress/