Kelmendi: Hashim Thaçi nuk lëvizë nga “vija amerikane”

Deputeti i Kuvendit të Kosovës nga radhët e LDK-së, Ramiz Kelmendi ka thënë i vetmi udhëheqës institucioni që po mund të lëvizë lirshëm jashtë vendit ka mbetur Hashim Thaçi.

Kelmendi, në “Debat Plus” me Ermal Pandurin në RTV Dukagjini, ka thënë se ideja e Thaçit për ndryshime kufijsh mund të mos jetë e tij.

“Nuk e thotë Thaçi si politikan këtë gjë…Thaçi është në vijën amerikane dhe me sa di unë, ai nuk lëvizë nga kjo vijë. Ai e di që pa Amerikën nuk mund të lëvizë asgjë. Si politikanë ai duhet të jetë i tillë që të çojë Kosovën para, por të tjerët tentojnë ta dëmtojnë, izolojnë, kufizojnë, në mënyrë që proceset të mos ecin shpejt”.

Deputeti i LDK-së ka thënë se Haradinaj i ka forcuar pozitat e veta brenda, por sipas tij nuk qëndron mirë me raportet e jashtme.

“Një fjalë popullore thotë: Çdo kush që është i madh brenda, është i vogël jashtë. Kjo paraqet rrezik për popullin kur dikush fuqizohet shumë brenda me metoda populiste, atëherë del i vogël jashtë”.

“…Në momentin që të kufizohet lëvizja jashtë, në momentin që fillon t’i humbasësh miqtë jashtë, ti fillon të zvogëlohesh jashtë dhe rritesh brenda”.

Kelmendi ka thënë se Haradinaj ka të drejt për veprimet e fundit, por duhet të dëgjojë edhe miqtë ndërkombëtarë.

“I nevojitet një gjakftohtësi për të dëgjuar miqtë ndërkombëtar, edhe pse ka të drejtë, ka të humbur nga familja…”, tha ndër të tjera Ramiz Kelmendi./Telegrafi/