KEK-u nuk brengoset për shqetësimet e Kodrës së Dëshmorëve

Gjilan – Ilaz Jashari banorë tha se drejtori i KEK-ut nuk e ka ofruar asnjë zgjidhje përkundër faktit se vendimi i Gjykatës është marrë një muaj më herët. Banorët paralajmërojnë radikalizim të protestës.

Banorët e lagjes Kodra e Dëshmorëve të cilët tash e dy ditë janë pa energji elektrike të enjten kanë protestuar para zyrave të KEK-ut, ku janë takuar me drejtorin e saj Ramadan Ahmetin.

Ilaz Jashari njëri nga banorët e lagjes tha për rajonipress se takimi me drejtorin e KEK-ut nuk ka dhënë rezultate.”Asnjë zgjidhje nuk na ofrojë,përkundër faktit se vendimi i Gjykatës është marrë qysh para një muaji” .Jashari tha se ata nuk e kanë ndërmend të heqin dorë dhe nëse është nevoja do të qëndrojnë tërë ditën para dyerve të KEK-ut.

“Ne tek e fundit KEK-ut ia paguajmë borxhin dhe ata duhet të merren me këtë punë” tha Jashari. Banorët ishin shumë të revoltuar për çka është dashur edhe intervenimi i policisë. Në veçanti ishin të stresuar familjet mërgimtare. Naseri një mërgimtar në Belgjikë tha se ka ardhur për të pushuar,por kur e ka hapur frigoriferin i ka parë të gjitha ushqimet e prishura.”Vërtet kjo që po ndodhë me lagjen tonë është një turp për KEK-un” tha ai.

Në fakt edhe pas takimit me banorët e lagjes drejtori Ramadan Ahmeti nuk i ka lejuar mediet që të marrin prononcim nga ai. KEK-u me këto sjellje po tregohet se është superqeveri në Kosovë.

Shaban Shabani një tjetër qytetar tha se KEK-ut duhet të bëjë një zgjidhje të pranueshme sepse nuk mund të jetohet në këtë vapë të lart pa energji elektrike. Qytetarët që ishin mbledhur para KEK-ut janë ndarë të revoltuar pasi asnjë zgjidhje apo shpresë nuk kanë marrë nga KEK-u.

Banorët e Kodrës së Dëshmorëve i ka takuar edhe Omer Daku nënkryetar i Komunës i cili ua ka premtuar se do të bëjë çmos që në bashkëpunim edhe me Gjykatën dhe KEK-un ta normalizojë rrymën në këtë lagje.”Pas takimit me kryetarin e gjykatës jam optimist se do ta zgjidhim problemin” tha Daku./rajonipress/