KEDS njofton ndërprerje të planifikuara të energjisë elektrike në Gjilan, disa fshatra mbesin pa furnizim për shkak të punimeve në rrjet

Gjilan – Kompania për Distribuimin e Energjisë Elektrike në Kosovë (KEDS) ka bërë të ditur se në kuadër të mirëmbajtjes së planifikuar të rrjetit energjetik, gjatë ditës së 28 dhe 29 korrikut do të ketë ndërprerje të përkohshme të furnizimit me energji elektrike në disa komuna të vendit, përfshirë edhe rajonin e Gjilanit.

Sipas njoftimit të KEDS-it, nga TS 110/10 kV Gjilani 5 do të ndërpritet furnizimi në daljen 10 kV J10 Bresalci (kodi: 63000010), nga ora 10:00 deri në ora 15:30.

Ndërprerja do të përfshijë këto vendbanime: Bresalc, Koretishtë, Ponesh, Parallovë, Vërbicë e Zhegovcit, Kishna Poljë, Sllakovc dhe Zhegovc.

KEDS ka sqaruar se ndërprerja e energjisë do të realizohet për shkak të mirëmbajtjes preventive dhe pastrimit të trasesë së rrjetit elektrik, punime të cilat synojnë rritjen e sigurisë dhe besueshmërisë së furnizimit me energji elektrike.

Kompania u bën thirrje qytetarëve dhe bizneseve në zonat e prekura që të planifikojnë aktivitetet e tyre në përputhje me orarin e njoftuar dhe falënderon konsumatorët për mirëkuptimin gjatë realizimit të këtyre punimeve./rajonipress/