KBI me trajnim profesional për imamët, muezinët dhe punëtorët e administratës

Gjilan – Këshilli i Bashkësisë Islame në Gjilan ka organizuar trajnim profesional me imamë, muezinë dhe punëtorë të administratës. Ligjërues i këtij trajnimi ishte profesori i mirënjohur dr. Alaaddin Salihoglu, profesor në Fakultetin e Shkencave Islame në Universitetin “Dumlupinar” në Kutahya të Turqisë.

Në fund të trajnimit kryetari i KBI në Gjilan, Naim ef. Aliu, falënderoi profesorin për kontributin dhe angazhimin e tij, duke shpresuar se trajnimet profesionale do të vazhdojnë edhe më tej.

Ai falënderoi edhe pjesëmarrësit në trajnim, ku krahas angazhimeve ditore, shprehën interes të kënaqshëm për ndjekjen e këtij trajnimi treditor ka njoftuar Agim Hyseni./rajonipress/

Shpërndaje.
© RAJONIPRESS