KB “Vllaznimi” kafshatë e lehtë për vashat Gjilanase!

Gjilan – Klubi i basketbollit “Drita” (femrat), pas fitores në derbin kundër KB “Bashkimi” në Prizren, javën e kaluar, edhe këtë të diele ka shënuar fitore ndaj skuadrës së Vllaznimit të Gjakovës.

Afrim Selimi, kryetrajner tha se “viktimë” e radhës pra ishin basketbollistet gjakovare, ku ekipi i Dritës i shkatërroi si me lojë ashtu edhe me rezultat.

Në takimin që u zhvillua në Palestrën e sporteve “Bashkim Selishta -Petriti ” Drita mundi Vllaznimin me rezultat tepër të thellë 94-29.

Me lojë tepër të mirë u dalluan lojtaret: Gentiana Ismajli me 17 pikë, Erika Nuhiu me 21 pikë dhe Lenda Ramadani me 14 pikë por duhet vlerësuar edhe kontributin e lojtareve tjera

Kryetrajneri Selimi tha se me këto dy fitore radhazi KB”Drita” këtë vit shfaq pretendimin për pjesëmarrje në finale të play-offit, e pse jo edhe ta fitoj titullin

Pasi qe dihet se titulli edhe është synim i gjilanaseve për këtë vit dhe jemi të përgatitur maksimalisht si dhe gjate ditëve ne vijim do njoftojmë sportdashësit edhe me dy përforcimet e radhës për të qenë sa më këmbëngulës për titullin e kampionit.

“Presim të kemi një ekip edhe më të fortë dhe të kompletuar sidomos në pozitën e qendrës” tha Selimi./rajonipress/