Katër karateist nga Gjilani pjesëmarrës në garën e madhe në Turqi

Katër karateist nga qyteti i Gjilanit, do të jenë pjesëmarrës në garën ndërkombëtare të karatesë në shtetin e Turqisë për dy ditë me radhë nga 28-30 korrik. Nikoqir i këtij turneu “International Marmara Cup”, do të jetë Stambolli.

“Do të jetë një garë shumë interesante me shumë karateist cilësor. Ne do të kemi nderin te jemi pjesë me katër karateistë, përpos përvojës që do të marrim synojmë edhe medalje pasiqë në radhët tona kemi edhe medalist nga Kampionati Ballkanik, siç janë: Erina Sherifi i KK “AS” e Amar Daku nga KK “Agim Ramadani” ”, ka bërë të ditur Përzgjedhësi i Kombëtares së Karatesë të Kosovës U14, Alban Beqiri. Nga KK “AS”, pjesëmarrës të këtij turneu do të jetë Erina Sherifi 12 vjeç gjerë në 45 kg e Buron Nuhiu 12 vjeç gjerë në 47kg, ndërsa nga KK “Agim Ramadani” do të jetë Tuana Bilalli 11 vjeç 35kg e Amar Daku 10 vjeç 35kg.

Pjesëmarrja e karateistëve Kosovarë në këto gara ndërkombëtare po dëshmon se me të drejt sporti i Karatesë në Kosovë ka një ardhmëri të ndritshme.