RCCOLA

Kastrati viziton fshatin Koretin, hapet rruga e cila ishte problem shumëvjeçar për banorët

/ 1 minutë lexim

Kamenicë – Kryetari i Komunës së Kamenicës, Qëndron Kastrati së bashku me zyrtarin komunal, Alban Hashani kanë vizituar fshatin Koretin, pas zgjidhjes së problemit 50-vjeçar të disa banorëve të këtij fshati.

Mobi Casa

Kastrati tha se është shumë i lumtur që problemet e akumuluara për disa vite, po i zgjidhim një nga një, duke pasur bashkëpunim të ngushtë me komunitetin.
“Problemi i kamotshëm mbi 50 vjeçar të disa nga banorëve të Koretinit, tashmë është i zgjidhur për kryerjen e obligimeve që kanë, në punimin e tokave në hapësirë prej rreth 300 ha. Një pjesë e rrugës e cila ka qenë pronë private, e kemi shpallur interes të përgjithshëm publik, me miratim të Kuvendit Komunal dhe në dakordim të plotë me familjen Hoda si pronarë të kësaj parcele. Jam shumë i lumtur që problemet e akumuluara që sa vite, po i zgjidhim një nga një, duke pasur bashkëpunim të ngushtë me komunitetin. Urime banorëve”, tha Kastrati./rajonipress/