Fundamenti

Kastrati: Kosova është shtëpia e prindërve të mi

/ 2 minuta lexim

Flamur Kastrati e ka lënë ekipin U-21 të Norvegjisë, derisa është i gatshëm t’i bashkohet Kosovës për ndeshjen miqësore ndaj Haitit. 22 vjeçari thotë se ka vepruar drejtë që ka pranuar ftesën e Kosovës, pasi ky vend është shtëpia e prindërve të tij.

Sulmuesi i ekipit norvegjez Strømsgodset, Flamur Kastrati është i gatshëm t’i bashkohet përfaqësueses së Kosovës për ndeshjen miqësore ndaj Haitit, e cila do të zhvillohet me 5 mars në Mitrovicë.

22 vjeçari është i lindur në Oslo, derisa më herët ka luajtur për përfaqësuesen U-21 të Norvegjisë. Ai thotë se ka vepruar drejtë që ka pranuar ftesën e Kosovës, pasi ky vend është shtëpia e prindërve të tij.

Eco Higjiena

“Unë kam luajtur në ekipin U21 të Norvegjisë, por mendojnë se këtë që po e bëjë është e drejtë. Ajo është shtëpia e prindërve të mi, dhe ne mund ta bëjë një ekip të nivelit shumë të lartë”, ka deklaruar Kastrati për uebfaqen zyrtare të klubit.

Kastrati gjatë karrierës ka luajtur për skuadrat si: Skeid, Twente, Osnabrück, Duisburg dhe Erzgebirge Aue

Përveç Kastratit, përfaqësueses së Kosovës me 5 mars do t’i bashkohen edhe: Samir Ujknai, Loret Sadiku, Emir Bajrami, Albert Bunjaku, Faton Toski, Ilir Azemi, Bersant Celina, Fanol Perdedaj, Shkodran Metaj, Lum Rexhepi, Mehmet Hetemaj, Arlind Ajeti, Frederik Veseli e të tjerë.