Karaqeva e Poshtme kërkon nga Skender Hyseni që ta trajtojë në Bruksel rastin e tyre

Kamenicë – Bashkësia Lokale e fshatit Karaqevë ka dorëzuar disa kërkesa nëpër institucione të ndryshme qendrore dhe tash së fundit edhe tek Skender Hyseni duke kërkuar nga ky i fundit që në takimet e tij në Bruksel ta trajtojë problemin e Karaqevës.

Selver Lenjani thotë se problemi i Karaqevës daton që nga viti 2001. “Ne kurrë s`jemi ndalur me letra e peticione, protesta e angazhime tjera paqësore. Pothuajse nuk ka institucion qendror që nuk e kemi njoftuar për hallin e Karaqevës dhe i kemi njoftuar ato për pretendimet e Serbisë, që po mundohet me çdo kusht ta shkëput arterien kryesore” thotë Lenjani.

Lenjani kërkon edhe nga presidenti i vendit që të mendoj pak për brengat e Karaqevës, kurse nga Avdullah Hoti e Vjosa Osmani kërkon angazhim unik në përfaqësim dhe mbrojtje të kërkesave reale të kësaj treve.

“Unë mendojë se Skender Hyseni, Hashim Thaçi, Avdullah Hoti e Vjosa Osmani janë krahët e shtetit dhe se në agjendën e bisedimeve në relacionin Karaqevë, Prishtinë, Bruksel, mund të sjellin një zgjidhje të pranueshme për brezin kufitar”.

Lenjani mendon se këta e kanë edhe obligim që zyrtarisht ta ofrojnë në tavolinën e bisedimeve rastin e Karaqevës dhe mos të lëshojnë pe për shkëputjen e territorit të Kosovës. “Megjithatë ne do t`i ruajmë tokat tona dhe nuk do t`i japim, tonën se japim té huajën se duam, do të qëndrojmë prapa rrugës së asfaltuar dhe tokave tona që i kemi të stërgjyshërve tan, do t`i mbrojmë tokat sepse nuk kemi tok për t`i falur Serbisë ka shkruar Lenjani./rajonipress/