Karaçeva sërish kërkesë Albulena Haxhiut, reflektoni ministre, Kamenica ende pa shërbimin bazik

Kamenicë – Me qëllim të lehtësimit të procedurave dhe lehtësimit të zhvillimit të jetës së qytetarëve të komunës së Kamenicës, ju drejtohemi me këtë kërkesë që të reflektoni për krijimin e mundësive që Kamenica të ketë së paku një shërbim noterie për nevojat e qytetarëve të cilët për një shërbim më të thjeshtin detyrohen të udhëtojnë me dhjetëra kilometra deri në Gjilan ka shkruar Selver Lenjani në kërkesën e tij drejtuar Albulena Haxhiut.

“Veprimi i deritanishëm institucional i cili e ka lënë qytetarin e Kamenicës me rrethinë pa një shërbim bazik na ndërlidhë edhe me konstatimet e mëhershme siç thuhej “A jeni Kamenica e Gjilanit”. Andaj duke shpresuar në reflektimin institucional të cilit i prini ju, lutemi të keni parasysh këtë kërkesë e cila ka vetëm një qëllim, që të lehtësoni jetën e qytetarit, mision përmes së cilit edhe e keni marrë besimin qytetar” thuhet në kërkesën e Lenjanit.

“Me shpresë se do të aplikoni politika konstruktive jemi të prirur që qytetari i Kamenicës pa dallim ku jetojnë në mjedis urban apo rural, me veprimin tuaj dhe vartësve tuaj do të ketë mundësi më të mirë dhe më të lehtë, për të reflektuar proceset e nevojshme nga aspekti profesional i drejtësisë” përfundon kërkesa e Lenjanit./rajonipress/

Shpërndaje.
© RAJONIPRESS