Kaplon nepotizmi institucionet e Komunës së Kllokotit me familjarë të kryetarit Bozhidar Dejanoviç

Gjilan – Rrjeti i OJQ-ve AVONET është thellësisht i shqetësuar se si institucionet e Komunës së Kllokotit janë të mbushur nga familjarët e kryetarit të komunës z. Bozhidar Dejanoviç. Institucionet e kësaj komune janë duke u ballafaquar me shumë probleme dhe sfida të mëdha, ku kryetari i kësaj komune nuk ka shpreh interesim që të bëjë zgjidhje dhe të menaxhoj sa më mirë këto situata.

Shkollat fillore dhe të mesme në Komunën e Kllokotit kanë një numër të madh të punëtorëve teknik, e këta punëtor teknik janë të afërt të kryetarit të Komunës së Kllokotit z. Bozhidar Dejanoviç, por çka është më e keqja e kësaj dukurie këta punëtor as që shkojnë për të kryer detyrat e tyre si punëtorë teknik, ata veç marrin rroga dhe disa prej tyre as që jetojnë në Kosovë.

Disa prej punëtorëve si mesimëdhënësa të shkollave fillore dhe të mesme marrin rrogë nga buxheti i Republikës së Kosovës, e që nuk punojnë nëpër këto shkolla, por punojnë si mësimdhënës në shkollat me sistem paralel serb.

AVONET ka hulumtuar dhe ka vërtetuar se kryesuesi i Kuvendit të Komunës së Kllokotit z. Zharko Dejanoviç është vëllau i kryetarit të Komunës së Kllokotit z. Bozhidar Dejanoviç. Kryetari i Komunës së Kllokotit z. Bozidar Dejanoviç dhe kryesuesi i Kuvendit të Komunës së Kllokotit z. Zharko Dejanoviç, kanë punësuar gratë dhe fëmijet e tyre, e poashtu edhe shumë familjar të tyre.

Këto punësime për AVONET-in janë nepotizëm dhe nuk tregojnë demokraci në këto institucione, AVONET kërkon nga institucionet e Republikës së Kosovës, Njësisë për Krime Ekonomike dhe Prokurorisë së Shtetit dhe poashtu Agjencionit Anti Korrupsion, që të fillojnë hetimet si dhe nga MAPL-ja të marrin masa ndaj këtij institucionit thuhet nw njoftimin e AVONET./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).