Kapet një grup i madh i hajnave në Gjilan

Gjilan – Të martën rreth orës 19.00 të mbrëmjes janë arrestuar shtatë persona të dyshuar për veprën penale “vjedhje” dhe “armëmbajtje pa leje”.

Këta të dyshuar sipas Arben Kadriut prokuror i rastit dyshohet se kanë kryer shumë vepra penale, dhe se janë recidivista (përsëritësa).

Kadriu tha se janë arrestuar 7 të dyshuar për veprën penale “vjedhje” dhe “armëmbajtje pa leje”, raporton rajonipress.

Grupi dyshohet se në bashkëveprim i kanë kryer veprat . Grupi ka kryer shumë vjedhje nëpër qytet. Të arrestuar janë S.O. M.SH, B.S., A.XH, F.S, I.M, D.M.

Të dyshuarit kanë vjedhur dhe thyer pajisje teknike, vjedhje nëpër shtëpia, vjedhje të rënda, e ndër to edhe armë. Të gjithë të dyshuarve i është caktuar masa e ndalimit prej 48 orëve./rajonipress/