Kapet hajni i shumë kërkuar

Gjilan – I dyshuari I. A. po luante me një revole lodër dhe është lajmëruar nga qytetarët, por kur shkon në stacionin e policisë konstatohet se ai është i dyshuar për disa vjedhje.

Njësiti i Hetimeve të stacionit policor të Gjilanit ka marrë informatë se i dyshuari I. A. 1977 është vërejtur me një revole në dorë në lagjen ,,Dheu i Bardhë” në Gjilan, pranë shtëpisë se tij.

Ismet Hashani zëdhënës i policisë tha se njësiti i Hetimeve me asistimin e Njësitit reagues ka dal në vend të ngjarjes në kërkim të tij, meqë rast e ka takuar dhe pas kontrollit që i është bërë ka pranuar se posedon revolen – (lodër) e cila i është konfiskuar dhe i njëjti është shoqëruar në Stacionin Policor.

Pas intervistimit në lidhje me disa raste të vjedhjeve është gjetur se i njëjti të jetë bashkë autor i disa rasteve të veprave penale të “Vjedhje të rënda” në bashkëveprim edhe me një të dyshuar tjetër i njohur për policinë tha Hashani.

Me vendim të PPK i dyshuari ndalohet për 48 orë dhe ndaj tij do të ngritët kallëzim penal, sipas numrit të rastit të lartcekur tha Hashani./rajonipress/