Kapen hajnat, dyshohen për vjedhje të rënda të kryera në Gjilan

Gjilan – Në rrugën “Martirët e Gjilanit” pas hetimeve të zhvilluara, nga policia e Kosovës, Njësiti i Hetimeve në Gjilan, përmes rrugëve operative, kanë siguruar informata të besueshme se i dyshuari shqiptar, në shtëpinë e tij mban sendet të cilat janë vjedhur. Lidhur me këto raste janë arrestuar katër të dyshuar që të gjithë shqiptar shtetas të Kosovës, të cilët pas intervistimit, me vendim të Prokurorit janë ndaluar në qendrën e mbajtjes për 48 orë.

Me 22.12.2016 me urdhëresë të Gjykatës Themelore është realizuar bastisje në shtëpinë e të dyshuarit, ku gjatë bastisjes janë gjetur dhe konfiskuar shumë dëshmi për të cilat dyshohet se janë të vjedhura, në shtëpinë e një ankuesi, si dhe dëshmi të tjera për të cilat dyshohet se janë të vjedhura në lokacione të ndryshme.

Si vazhdimësi e bastisjes së parë, janë realizuar edhe dy bastisje tjera, të cilat poashtu kanë rezultuar me konfiskimin e sendeve, që dyshohet se janë të vjedhura. Lidhur me këto raste janë arrestuar katër të dyshuar që të gjithë shqiptar shtetas të Kosovës, të cilët pas intervistimit, me vendim të Prokurorit janë ndaluar në qendrën e mbajtjes për 48 orë.

Të dyshuarit e arrestuar dyshohet se në bashkëveprim kanë kryer edhe disa raste të tjera “Vjedhje” dhe “Vjedhje të Rënda”, Rastet po hetohen veç e veç ka njoftuar Ismet Hashani./rajonipress/