Kampionët e FC Drita U-17 vatër e talentëve të futbollit

Gjilan – Skuadra e FC Drita ka një ardhmëri të ndritur, pasiqë grupmoshat e saja në kategoritë e tyre po tregojnë kualitete të larta. Grupmoshat e FC Drita U-17, në garat Regjionale janë shpallur kampion, ku nga 18 ndeshje të zhvilluara kanë shënuar po aq fitore, duke shënuar 74 gola ndërsa kanë pranuar vetëm 4.

E veçanta e këtyre rezultateve spektakolare, do të ishte edhe më e madhe pasiqë FC Drita U-17, 6 ndeshje i ka përfunduar me rezultat zyrtar në mungesë të kundërshtarëve në forma të ndryshme.

Në mesin e këtij klubi si golashënues më i miri është shpallur futbollisti Meris Maliqi me 17 gola të shënuar, i cili ishte i pa kompromis për portat kundërshtare.

Meritë të veçantë për të gjitha këto rezultate ka trajneri Ardian Latifi, i cili me punën e tij profesionale po dëshmon se kemi të bëjmë më një trajner me prespektivë. “Jam i kënaqur me këtë rezultat të futbollistëve të cilët kanë dëshmuar lojëra cilësore, duke paralajmëruar se në garat e play-off nacional, të cilat do të mbahen në fund të javës do t’ja dalim së bashku, për tu ngjitur në Superligë i cili është i vetmi synimi jonë ”, ka bërë të ditur trajneri Latifi .

Për trajnerin Latifi është ky titulli i tretë me radhë si trajner, dy herë ishte kampion me U-15, ndërsa në këtë vit me U-17, trajneri Latifi kudo që u paraqit me djelmoshat e tij ka lënë gjurmë, si në Shqipëri ku ishte shpallur nënkampion në turneun më të madhë shqiptarë, duke mposhtur Triump Academy e Andi Lilës, si dhe skuadrën e famshme shqiptare FC Dinamon e Tiranës.

“Ne në skuadër kemi futbollist mjaft cilësor, 6 futbollist i kam të cilët luajnë në U-19 në Superligë, edhe pse janë dy vite më të ri për nga mosha. Poashtu, kemi edhe oferta për shumë futbollistë nga jashtë që këta të jenë pjesë e tyre, janë 5-6 futbollist, por kësaj radhe nuk do ta bëjë publike me emra. Qëllimi ynë është që të rikthehemi në Superligën e Kosovës me këto grupmosha duke shpresuar se do t’ja dalim pasiqë mendoj se e meritojmë me kualitetin të cilin e posedojmë”, shprehet trajneri Latifi.

Ardian Latifi ka falënderuar të gjithë ata që kanë kontribu për këto rezultate të jashtëzakonshme. “Së pari do ta falënderoja familjen e cila më jep përkrahje të vazhdueshme, një falënderim i veçantë shkon për të gjithë prindërit e futbollistëve të cilët kanë besim në punën tone, kolegëve të mi, koordinatorit të shkollës së futbollit – i gjithë ky sukses nuk do të ishte pa përkrahjen e kryesisë e cila na mbështet vazhdimisht”.

Play-offi Nacional do të zhvillohet javën tjetër në Kampin Nacional Hajvali. Ndeshjet do të jenë me sistemin vetëm një ndeshje./rajonipress/