Kamenica shënon muajin e transparencës

Kamenicë – Kryetari i komunës Begzad Sinani, veç tjerash tha se nga 15 nëntor deri më 15 dhjetor, shënohet muaji i transparencës, ku qytetarët e komunës, do të kenë mundësi që për së afërmi të kenë qasje në dokumente që kanë të bëjnë me komunën.

Kuvendi Komunal i Kamenicës ka mbajtur seancën e dhjetë me radhë e cila u hap nga kryesuesi i Kuvendit, Bajram Dërmaku. Në seancë ishin të pranishëm kryetari i komunës Begzad Sinani, Komandanti i KFOR-it LT Miller, përfaqësuesit e OSCE-së, shoqëria civile etj.

Kryetari i komunës Begzad Sinani, veç tjerash tha se nga 15 nëntor deri më 15 dhjetor, shënohet muaji i transparencës, ku qytetarët e komunës, do të kenë mundësi që për së afërmi të kenë qasje në dokumente që kanë të bëjnë me komunën.

Më pas, kandidatët kanë paraqitur kërkesat e tyre, të cilat ishin të ndryshme dhe që kryesisht kanë të bëjnë me nevojat e qytetarëve në komunë. Kërkesat e deputetëve në lidhje me infrastrukturën.

Deputetja e LDK-së, Minavere Maka, kërkoi që të ndahet shuma prej 1000 euro për Klubin Futbollistik “Bashkimi”.

Deputeti i AKR-së, Florim Demolli, paraqiti nevojën për rishikimin e rrugës në fshatin Krilevë, për shkak të dëmtimit që ka pësuar ajo rrugë.

Deputeteja Dijana Nikolic, kërkoi që të ndahen 3382 euro për OJQ-në e grave “Odruzhenje”.

U aprovua edhe kërkesa për një qytetar të komunës që ka nevojë për shërim jashtë vendit
Delegatët komunal kanë votuar pro kërkesës së qytetarit Florim Kastrati, të cilit i duhet trajtim mjekësor jashtë vendit./rajonipress/